Ова е web сајт кој ќе ве информира за сите информации што би требало да ги знае секој кој што се занимава со пчеларство или пак допрва планира да започне да се занимава со оваа работа. Многу информации на едно место. Информации кои нема да ги најдете на ниту едно друго место освен на овој сајт. Најнови вести за и во врска со пчелите и пчеларството... болести кај пчелите и лечење на истите, потребна опрема и ред други занимливости.

    Бидете во тек со сите информации кој му се потребни на еден пчелар. Бидете во тек со сите најнови информации кај нас и во светот во врска со пчелите и пчеларството. Едноставно бидете наш редовен посетител и точно и навремено информирајте се за сите најнови информации.

    Исто така испраќајте Ваши мислења, предлози, фотографии и се друго поврзано со пчеларство.

ПЧЕЛИТЕ СО ОПРАШУВАЊЕ НА БИЛКИТЕ ГИ БРКААТ ГАСЕНИЦИТЕ

                Познато е дека гасениците прават огромни штети на земјоделските површини. За да ги уништат, земјоделците користат огромни сретства на најразлични пестициди кои се помалку или повеќе штетни и за човекот.Оние земјоделци кои ги користеле пчелите како опрашувачи трошеле многу помалку сретства на пестициди. Нормално нивните плодови биле покрупни и поздрави за разлика од оние што не ги користеле „услугите “ на пчелите.

                Ваквите сознанија ги поттикнале научниците да се позанимаваат со феноменот пчела на земјоделските површини. Експериментот со пчелите и гасениците е вршен на неколку земјоделски култури од страна на Германските научници.

                Утврдено е дека пчелите со посетување на цветовите не само што вршат опрашување, туку и ги бркаат гасениците и останатите штеточини. Звукот на пчелата во лет е сличен на звукот кој го создава осата кога лета. И додека осата е ловец која се храни со гасениците, пчелата е безопасен посетител во потрага на нектар и полен. Нормално, гасеницата неможе да го разликува звукот на осата која ги лови и звукот на за нив потполно безопасната пчела, па се кријат и мируваат кога ќе слушнат било какво зуење. Колку е зуењето околу билката поинтензивно и појако, гасениците прават помала штета бидејќи чекаат да помине опасноста и мируваат некаде на сигурно.

                Следно што проучувале и се потврдило е дека штетата од гасениците се зголемува кога од цветот настанува плод. Во моментите кога билките имаат плод и се помалку интересни за пчелите штетата од гасениците станувала позабележителна.

                Во многу земји пчелите и пчелните семејства се во опаѓање а причините за оваа состојба се најразлични. Доколку ова испитување на Германските научници се потврди, ќе биде уште една причина за поттикнување и зачувување на пчелите.

Pcela.mk