pcela.mk - Дома

Дома

Добредојдовте на pcela.mk

Автор: pcela.mk
Thursday, 29 May 2008
Ова е web сајт кој ќе ве информира за сите информации што би требало да ги знае секој кој што се занимава со пчеларство или пак допрва планира да започне да се занимава со оваа работа. Многу информации на едно место. Информации кои нема да ги најдете на ниту едно друго место освен на овој сајт. Најнови вести за и во врска со пчелите и пчеларството... болести кај пчелите и лечење на истите, потребна опрема и ред други занимливости. Бидете во тек со сите информации кој му се потребни на еден пчелар. Бидете во тек со сите најнови информации кај нас и во светот во врска со пчелите и пчеларството. Едноставно бидете наш редовен посетител и точно и навремено информирајте се за сите најнови информации. Исто така испраќајте Ваши мислења, предлози, фотографии и се друго поврзано со пчеларство. АПИМОНДИЈА 2012 - Белград Пчеларскиот портал www.pcela.mk во соработка со Туристичката агенција „АРКА“ организира патување и посета на „Апимондија Симпозиум 2012“ во Белград кој се одржува на 18 и 19.02.2012. Подетални информации тука или на e-mail, Оваа адреса е заштитена од spam bots. Потребна ви е Java-Скрипта за да ја видете. Tel 02 3290 414 или 046 252 300 Внимавајте каков мед купувате Освен вода, медот содржи и инвертни шеќери, сахароза, декстрин, минерали, витамини, хормони, јаболкова, лимонска, мравја, оцетна и килибарска киселина. Сите видови мед не се исти по состав, вкус ниту пак по арома, па добро е при купувањето да се знаат некои правила. Најпрвин треба да се препознае дали медот е природен и квалитетен, или пчелите го направиле од шеќерен сируп. Доволно е во медот да ставите чепкалка за заби и да ја кренете. Ако од чепкалката тече непрекината нишка, медот е природен. Ако нишката мед се прекинува, т.е. ако капе, подобро е да не го купувате. Многумина избегнуваат да купат зашеќерен мед, сметајќи дека е вештачки. Ова е голема заблуда - природниот мед секогаш, порано или подоцна, се зашеќерува, особено ако стои на ладно. Во некои земји купувачите бараат исклучително кристализиран мед. Доколку тоа, сепак, ви пречи, медот повторно ќе стане течен ако теглата ја ставите во тенџере со вода која постепено ќе ја загревате (но никако над 36 Целзиусови степени). Различните видови цветен мед, како што се багремовиот, сончогледовиот и слично, обично содржат околу 12 до 13 различни минерални состојки, додека мешаниот мед може да има и до 30. Медот со потемна боја е побогат со минерали, особено со железо, бакар и магнезиум. Некои видови мед, како што се багремовиот и медот од жалфија, потешко се зашеќеруваат. Затоа, ако купувате поголеми количини кои треба подолго време да стојат, определете се за еден од овие видови. Медот е производ што може со години да стои, но сепак може и брзо да се расипе - ако се чува неправилно. Бидејќи лесно впива влага, медот треба да се држи на суво место, во добро затворена стаклена тегла, во лимен или во емајлиран сад со чист капак. Без разлика за кој вид мед ќе се одлучите, важно е постојано да го имате вклучено во својата исхрана. Извор: www.idividi.com.mk „СРПСКИ ПЧЕЛАР“ Од овде можете да ги превземите издадените броеви на „СРПСКИ ПЧЕЛАР“ бр 1, бр 2 и 3, бр 4, бр. 5 и 6, бр 7, бр. 8, бр. 9 , бр 10 , бр. 11 , бр. 12 , бр. 13 , бр. 14 , бр. 15 , бр. 16 , бр. 17 , бр. 18 , бр. 19 . ОКСАЛНА КИСЕЛИНА Оксалната киселина е откриена во 1776 година и во природата се наоѓа во многу билки. Најмногу ја има во какаото, чоколадата, кафето, јагодите, зрнесто овошје, мангото, компирот, цвеклото, спанаќот и тн. Оксалната киселина лесно се раствара во вода и како природен елемент се наоѓа во медот. Признаена е од Европската унија како препарат за “органско пчеларење“. Се користи во вид на спрејови, со испарување или со накапување. Најбезбеден начин на третирање е со накапување каде ефикасноста во пчелна заедница без легло е до 99%. Крлежот неможе да стане отпорен на oксалната киселина. Киселината ги оштетува органите за варење кај крлежот и тој умира од глад. Слаткиот раствор на оксална киселина не е опасен за човекот под услов да се превземат заштитни мерки. Обавезно при работа со оваа киселина да се носи маска, заштитни наочари, нараквици и заштитно одело. При рака стално да се има поголем сад со вода за измивање ако по некоја случајност киселината дојде во допир со кожата. Накапувањето со сладок раствор (шеќет, вода и оксална киселина) дава одлични резултати во борбата со вароата. Се нанесува со поголем пластичен шприц со кој можеме да ја контролираме количината на раствор што ќе го накапаме. Растворот се спрема на следниов начин: се загрева 0.6л. вода на температура од околу 40 степени и се додава 0.6 кг. шеќер во кристал (со овој сооднос ќе добиете приближно 1л. Сируп). Откако ќе се растопи шеќерот се додава 35 грама оксална киселина во прав и се меша се додека не се растворат кристалите од киселината. Се накапува по 5 мл. на една улица со пчели. Растворот мора да е млак (околу 37 степени). Не смее да се заборави дека за време на припремата на растворот и третирањето на пчелите обавезно да се носи заштитна опрема. Најдобро време за третирање со оксална киселина е кога веќе нема легло во заедницата и температурата на воздухот е 0-10 степени. Досега не се приметени несакани ефекти на пчелите при третирањето со оксалната киселина освен ако процентот на киселина во растворот е поголем од пропишаниот при што доаѓа до слабеење на пчелната заедница. ШЕЌЕРНО МЕДНА ПОГАЧА од пчеларот Никола Симитчиев -6-5,5 кг шекер во кристали 2 кг шекер во прав -2 лажици лимонов сок (чашка за ракија) -1-1,5 кг мед -1л.вода Еве и еден рецепт што е попривлечен за пчелите поради медот.1 литар вода во поголем сад се става да се згрее.се стават 2 лажици лимонов сок (или вински оцет) се истура во садот 6 кг шекер во кристали.Се замешува од време на време и се чека смесата да почне да врие (да се пази да не загори). Се остава да врие десетина минути и се трга настреана од огнот.Се става 1 кг. мед и се меша 2-3 минути.Потоа се додава постепено со мешање 2 кг.шеќер во прав.Се меша додека не се добие густа маса односно оладена на едно 40 степени и потоа се пакува во ќеси.Во зависност дали погачите сакаме да се помеки или поцврсти се мења односот на медот со шеќерот во кристали.Ако се додаде плус мед се одзема од шеќерот за да се добијат точно 10 кг погачи.Останатото е до вас кој што ќе пробате да го припремите и секако да ме искритикувате.
Ажурирано на ( Friday, 23 December 2011 )
Прочитај повеќе...

Пчеларско списание АПИС

Дали сте задоволни од нформациите на сајтот?

	Многу сум задоволен.
	Добри се, но премалку се.
	Не сум задоволен.

Пчеларство “Дабески“

Кој е On-Line

Најчитани статии

Брзи вести

ИНСПЕКЦИЈАТА ЗАПЛЕНУВА МЕД СО СОМНИТЕЛЕН КВАЛИТЕТ

Пчеларите се жалат дека се дозволува увоз на мед чие потекло не е декларирано, а цените се исти, па дури и повисоки од оние на домашниот, природен мед. Инспектори на Ветеринарната управа во неколку контроли повлекле од рафтовите поголеми количини, а на одговорните фирми им изрекле парични казни

Медот во големите маркети е со сомнителен квалитет и без ознака за потеклото, поради што инспектори на Ветеринарната управа во неколку контроли повлекле од рафтовите поголеми количини, а на одговорните фирми им изрекле парични казни. Ова за МИА го тврдат од Ветеринарната управа од каде признаваат дека немаат точни податоци колку професионални пчелари има, ниту колку се занимаваат со оваа дејност од хоби. Од Ветеринарната управа најавуваат евидентирање на пчеларите од идната година.
-Ако се обезбедат средства, ќе се реализира проектот за обележување на пчелите. Секоја кошничка би требало да има соодветно регистарско бројче и да се чува во софтверот за идентификација. Тогаш ќе се знае точно колку пчелни семејства има во Македонија, колкаво е производството на мед и од каде е - вели директорот на Управата, Дејан Рунтевски.

Според него, сите медари не се регистрирани освен кога е сезона на субвенции. Според него, проблем има и при регистрацијата на пчелните семејства. Тој тврди дека дел од ветеринарните станици не ги издаваат потврдите како што треба, за што ќе бидат санкционирани.
Македонија годинава прв пат доби дозвола за извоз на мед во Европската унија, но нема да ја искористи поради недоволното производство.

Пчеларите се жалат дека се дозволува увоз на мед чие потекло не е декларирано, а цените се исти, па дури и повисоки од оние на домашниот, природен мед. Тие сметаат дека потрошувачите треба да знаат што купуваат. Гоце Мирчевски, пчелар од Скопско, тврди дека поголемите пчелари не го даваат медот во големите маркети, туку си го продаваат на тезги по пазарите, или имаат сопствени продавнички. Помалите производители, пак, кои годишно вадат по максимум неколку стотици килограми, воопшто немаат проблем со продажбата. Доволно е пријателите и соседите да им купат по една тегла.
-Големи количини мед се увезуваат однадвор. Главен проблем е тоа што се продава без означена земја на потекло. На него пишува дека е ливадски, шумски или багремов, но никаде не стои од каде е - посочува Мирчевски.

На малверзациите укажува и релативно ниската цена која некогаш достигнува 180 денари наспроти реалната која за квалитетен, природен, чист мед, треба да е 250 денари.
-Потрошувачите не знаат чиј мед купуваат. Често се во дилема, ако некоја тегла чини 250 денари, зошто друга е 180. Како што стои за секој производ, увозник и потекло, така сакаме да стои и за медот - вели Мирчевски.

Пчеларите потврдуваат дека во земјава се произведува квалитетен мед, но немаме доволна количина бидејќи оваа земјоделска гранка е претежно хоби.
-Многу мал број пчелари се занимаваат професионално со оваа дејност. Добро би било кога би имале извоз во ЕУ, но засега тоа не можеме да го реализираме. Од друга страна, цените на големо за ливадскиот мед во европските држави се движат од 1,5 до 3 евра, а на мало од 3 до 5 евра. Тоа е дестимулативно за нас и неисплатливо со оглед на малата производна количина - нагласуваат пчелари.

Како што велат од Федерацијата на фармери, во Македонија има околу стотина илјади пчелни семејства, а просечното производство достигнува 840 тони мед при што преовладува ливадскиот. Статистичките податоци покажуваат негативен тренд во последните пет години.

Извор: Вечер

РОЈ ВО СЕПТЕМВРИ

На 11, септември, 2010г. Мојот пријател Јован Стефаноски од Охрид собра рој кој се фатил на гранка. Пчелите биле во овоштарник во близина на селото Коњско, Охридско.
Околу 14:00 часот ми се јави пријателот и ми кажа дека му се јавиле дека во атарот на селото Коњско има избеган рој и дека оди да го собере ???. Познавајќи го како добар мајтапџија не дадов некое значење на муабетот, си помислив дека пак смислил некоја шега. Вечерта пак ми се јави и ми рече да ги видам сликите што ми ги пратил од ројот. Оваа година во Охрид се случуваат многу чудни работи но ова е капак на се.Ројот е прибран во сандак и се надевам дека успешно ќе презими. Фотографиите погледнете ги тука
pcela.mk

ПЧЕЛИ НАПАДНАЛЕ ПОЛИЦАЕЦ

Еден американски полицаец останал неколку часа заробен во својот автомобил опколен со рој побегнати пчели. Тој бил заменик шериф во Северна Каролина, а запрел со автомобилот за да му помогне на возачот на еден камион кој се расипал. Во камионот имало 60 кошници со пчели од кои едната се скршила.

Пчелите тргнале кон полицаецот, кој спас побарал во својот автомобил, кој набрзо бил преплавен од пчели. Дури по неколку часа полицијата со помош на локалните пчелари успеале да го извлечат колегата од несекојдневната ситуација. Иако пчелите не биле агресивни, полицаецот убил неколку од нив, како што рекол во чиста самоодбрана.

ВИНОВНИЦИТЕ ЗА ТРУЕЊЕТО НА ПЧЕЛИТЕ ВО ОХРИД ЌЕ БИДАТ ДАДЕНИ НА СУД

Денеска бевме информирани од групата оштетени пчелари дека ги комплетираат доказите за труењето на пчелите во Охрид и околината.

- Веднаш по доставување на пријавата излезен е на терен републичкиот ветеринарен инспектор и направен е записник од увидот.

- Направен е увид и од страна на МВР и е поднесена пријава против сега засега непознат сторител.

- Извршен е увид и од страна на комисијата за проценки при локалната самоуправа во Охрид.

- Од страна на републичкиот ветеринарен инспектор пратени се примероци од мртви пчели на анализа.

- Неколку пчелари по приватна постапка имаат испратено примероци од мртви пчели.

-Исто така испратени се на анализа и примероци од лисјата на прсканите липи.

По досегашното броење на угинати пчелни семејства, бројката надминува 250 друштва.

Денес се приметени неколку граѓани како се движат низ централното градско подрачје со заштитни маски. Дали маските ги ставиле поради отровот со кој се прскани липите или од друга причина не знаеме затоа што граганите не беа расположени за изјава.

pcela.mk

РОЈ ПЧЕЛИ „НАПАДНАЛ“ КУЌА ВО ВЕЛИКА БРИТАНИЈА

Една куќа во Велика Британија на кратко се нашла на мета на рој од повеќе од 30 илјади пчели кои ги преплашиле нејзините станари. Фил Сандерсон и неговата девојка најпрвин забележале дека наеднаш се смрачило, а потоа слушнале ужасно зуење. На почетокот не знаеле што се случува и помислиле дека се спрема страшна бура.

Имале впечаток дека куќата ја опколиле стотина луѓе кои дувале во вувузели. Кога сватиле дека станува збор за пчели побрзале да ги затворат прозорците за да ги спречат инсектите да влезат во куќата. По извесен временски период пчелите се оддалечиле, а Сандерсон успеал да ги фотографира.

Ohridnews.com

ПРОТЕСТНО ПИСМО

-Протестново писмо го испракам поради континуираното излагање на претседателот на ПСМ дип.економист Мирче Настоски.
Кој од економска гледна точка тврди дека доколку еден пчелар почетник има 50 пчелни семејства можи солидно да живее од заработката од тие 50 пчелни семејства, со искористување на максимумот од истите односно пресметани се максималните теоретски приноси кои во реалноста не се ни блиску до остварливи.
- Споменати се просечни приноси од 20 кг. мед, јас во соработка со челновите на форумот за пчеларство www.pcela.mk/forum, контактиравме со многу искусни пчелари кои рекоа дека во просек изминативе 15-20 години просечен принос на мед од едно пчелно семејство се движат од 8 до 10 килограми.

Прочитај повеќе...